‘హత్య’ సినిమాపై వివేకా హత్యకేసు నిందితుడు ఫిర్యాదు.. ఐదుగురిపై కేసు

మాజీ మంత్రి వైఎస్‌ వివేకానందరెడ్డి హత్య కేసులో నిందితుడు సునీల్‌ యాదవ్‌ ఫిర్యాదుతో కడప పోలీసులు ఐదుగురిపై కేసు నమోదు చేశారు. ఇటీవల విడుదలైన ‘హత్య’ సినిమాలో తన తల్లిని అసభ్యకరంగా చూపించారని అతడు ఆరోపించారు. ఆ సినిమాలో సన్నివేశాలు తమ పరువుకు భంగం కలిగించేలా ఉన్నాయని, దానిని వెంటనే నిలిపి చేయాలని ఎస్పీకి.. సునీల్‌ యాదవ్‌ రెండు రోజుల క్రితం ఫిర్యాదు చేశారు. దీంతో పోలీసులు కేసు నమోదుచేసి దర్యాప్తు చేపట్టారు.