హిందువుగా పుట్టా హిందువుగా చస్తా.. 2026లో మీ అందరితో శభాష్ అనిపించుకుంటా: యూట్యూబర్ అన్వేష్

ప్రముఖ యూట్యూబర్ అన్వేష్ చిక్కుల్లో పడ్డారు. హిందూ దేవతలపై అనుచిత వ్యాఖ్యలు చేశారంటూ యూట్యూబర్ అన్వేష్‌ మీద కేసులు నమోదవుతున్నాయి. యాక్టర్ శివాజీ వ్యాఖ్యలతో పాటు, ప్రవచనకర్తల వ్యాఖ్యల గురించి స్పందిస్తూ.. అన్వేష్ హిందూ దేవతలపై అనుచిత వ్యాఖ్యలు చేశారంటూ ఆరోపణలు వచ్చాయి. ఈ నేపథ్యంలో పంజాగుట్ట, ఖమ్మంలో అన్వేష్ మీద పోలీసులకు ఫిర్యాదులు అందాయి. ఈ ఫిర్యాదుల ఆధారంగా ఆయనపై కేసులు కూడా నమోదు చేస్తున్నారు. అలాగే అన్వే్ష్ యూట్యూబ్ ఛానెల్‌ను ఫాలో అయ్యే సబ్‌స్రైబర్లు కూడా అన్‌ఫాలో అవుతున్నారు. దీంతో సబ్‌స్రైబర్ల సంఖ్య తగ్గుతోంది. ఈ క్రమంలోనే కొంతమంది తన మతం మార్చేందుకు ప్రయత్నిస్తున్నారంటూ వీడియో విడుదల చేయటం ఆసక్తికరంగా మారింది.