హైదరాబాద్-అమరావతి గ్రీన్‌ఫీల్డ్ ఎక్స్‌ప్రెస్ హైవే.. ఈ ప్రాంతాల మీదుగానే, త్వరలోనే..

హైదరాబాద్-అమరావతిని కలుపుతూ నిర్మించనున్న గ్రీన్‌ఫీల్డ్ ఎక్స్‌ప్రెస్ హైవేపై కీలక అప్డేట్. సుమారు 230-250 కిలోమీటర్ల పొడవుతో.. ఈ ప్రాజెక్టును నిర్మించనున్నారు. త్వరలోనే ప్రాజెక్టు రిపోర్ట్ (DPR) కోసం టెండర్లు పిలవనున్నారు. ఇది హైదరాబాద్ ఔటర్ రింగ్ రోడ్డు నుంచి ప్రారంభమై, వెనుకబడిన ప్రాంతంగా పేరున్న మునుగోడు, మిర్యాలగూడ మీదుగా సాగుతుంది. ఈ రహదారి ఆయా ప్రాంతాల అభివృద్ధికి, ట్రాఫిక్ సమస్యల పరిష్కారానికి దోహదం చేస్తుందని నిపుణులు అభిప్రాయ పడుతున్నారు.