హైదరాబాద్: ఆర్టీసీ అదిరిపోయే శుభవార్త.. 373 కొత్త కాలనీలకు బస్సులు.. వారి కష్టాలు తీరినట్లే

New Colonies Bus Service Hyderabad: హైదరాబాద్‌లో విస్తరిస్తున్న కొత్త కాలనీలకు ఆర్టీసీ శుభవార్త చెప్పింది. 'హైదరాబాద్ కనెక్ట్' కార్యక్రమం కింద నగరంలోని 373 కొత్త కాలనీలకు బస్సు సౌకర్యం కల్పించనుంది. మరో రెండు నెలల్లో మొదటి దశ సేవలు ప్రారంభం కానున్నాయి. దీనివల్ల లక్షలాది మంది ప్రయాణికులకు ప్రయోజనం చేకూరనుంది. ముఖ్యంగా ఉద్యోగులు అధికంగా ఉండే ప్రాంతాల్లో తొలి దశలో బస్సులు నడపనున్నారు. హైదరాబాద్, సికింద్రాబాద్ రీజియన్ పరిధిలోని పలు ప్రాంతాల నుంచి ఈ బస్సులను నడపనున్నారు.