హైదరాబాద్‌కు పొంచి ఉన్న ముప్పు.. 110 రోజులు 'పూర్'.. ఇప్పుడు తేరుకోకుంటే కష్టం!

ఢిల్లీని వాయు కాలుష్యం వణికిస్తున్న సంగతి తెలిసిందే. ఇప్పుడు గాలి కాలుష్యం హైదరాబాద్‌ను కూడా కలవరపెడుతోంది. హైదరాబాద్‌లో గాలి నాణ్యత తగ్గుతోంది. ఈ ఏడాది జనవరి నుంచి డిసెంబర్ వరకు 110 రోజులు గాలి నాణ్యత పూర్ కేటిగిరీలో ఉంది. నిర్మాణ పనులు, వాహనాల రద్దీ, పరిశ్రమల ఉద్గారాలు వాయు కాలుష్యానికి కారణమవుతున్నాయి. హైదరాబాద్‌లో స్వచ్ఛమైన గాలి కరువవుతున్న నేపథ్యంలో.. ఢిల్లీ వంటి పరిస్థితి రాకుముందే కాలుష్య కట్టడిపై ప్రభుత్వం కఠిన చర్యలు తీసుకోవాలని ప్రజలు కోరుతున్నారు.