హైదరాబాద్-గోవా రైలు ప్రయాణికులకు అలర్ట్.. ట్రైన్ టైమింగ్స్ మార్పు..?

హైదరాబాద్ నుంచి గోవా వెళ్లే ట్రైన్ ప్రయాణికులకు సౌత్ సెంట్రల్ రైల్వే అలర్ట్. ప్రస్తుతం ఉన్న ట్రైన్ టైమింగ్స్ మార్చే యోచనలో ఉన్నట్లు అధికారులు వెల్లడించారు. ప్రస్తుతం ఉన్న టైమింగ్స్‌తో ప్రయాణికులకు అసౌకర్యం కలుగుతోందని.. వారి నుంచి వచ్చిన విజ్ఞప్తుల ఆధారంగా ట్రైన్ టైమింగ్స్ మార్చే యోచనలో ఉన్నట్లు చెప్పారు. కాగా, ఈనెల మెుదటి వారంలో సికింద్రాబాద్- గోవా ట్రైన్ ప్రారంభం కాగా.. ప్రయాణికుల నుంచి విశేష స్పందన వస్తోంది. అయితే ట్రైన్ టైమింగ్స్ విషయంలో అసౌకర్యంగా ఉండటంతో సౌత్ సెంట్రల్ రైల్వే అధికారులు చర్యలు చేపడుతున్నారు.