హైదరాబాద్ ట్రాఫిక్ కష్టాలకు చెక్.. ఎలివేటెడ్‌ కారిడార్లకు ప్రాథమిక నోటిఫికేషన్‌

జంట నగరాల్లో ట్రాఫిక్ తగ్గించేందుకు హైదరాబాద్‌-కరీంనగర్, హైదరాబాద్‌- కండ్లకోయ పైవంతెనల కారిడార్ల నిర్మాణాలకు రేవంత్ సర్కార్ నిర్ణయం తీసుకున్న సంగతి తెలిసిందే. రాజధాని హైదరాబాద్‌లో ట్రాఫిక్‌ చిక్కులకు చెక్‌పెట్టేందుకు ప్రభుత్వం ప్రతిష్ఠాత్మకంగా వీటిని చేపట్టింది. అయితే ఈ ప్రాజెక్టుల నిర్మాణంలో కీలక ముందడుగు పడింది. కారిడార్ల భూసేకరణకు జిల్లా కలెక్టర్ ప్రాథమిక నోటిఫికేషన్ విడుదల చేశారు.