హైదరాబాద్ మెట్రో సెకండ్ ఫేజ్ పనులు.. పార్ట్ బీ డీపీఆర్‌పై కీలక అప్డేట్, త్వరలోనే..

హైదరాబాద్ మెట్రో పార్ట్-బీ కింద మూడు కొత్త కారిడార్ల డిటైల్డ్ ప్రాజెక్ట్ రిపోర్టులు (డీపీఆర్‌లు) సిద్ధమయ్యాయి. 86.1 కిలోమీటర్ల పొడవైన ఈ కారిడార్లకు రూ.19,579 కోట్లు వ్యయమవుతుందని అంచనా. పార్ట్-ఏ కన్నా తక్కువ వ్యయంతో (కి.మీ.కు రూ.227.39 కోట్లు) వీటిని రూపొందించారు, ముఖ్యంగా ఫ్యూచర్‌సిటీ మార్గంలో తక్కువ భూసేకరణ కారణంగా ఖర్చు తగ్గింది. క్యాబినెట్ ఆమోదం తర్వాత ఈ నివేదికలను కేంద్రానికి పంపించి, నగరంలో ప్రజా రవాణాను మరింత బలోపేతం చేయనున్నారు.