హైదరాబాద్ మెట్రోతో రూ.6 వేల కోట్ల నష్టం.. సెకండ్ ఫేజ్‌‌పై ఎండీ NVS రెడ్డి సంచలన వ్యాఖ్యలు

Hyderabad Metro MD NVS Reddy: హైదరాబాద్ మెట్రో రెండో దశకు రేవంత్ రెడ్డి సర్కార్ వడివడిగా అడుగులు వేస్తోంది. డీపీఆర్‌ ఇప్పటికే సిద్ధం కాగా.. ప్రభుత్వం పరిపాలనా అనుమతులు కూడా ఇచ్చేసింది. ఆయా మార్గాల్లో భూసేకరణ కూడా జరుగుతోంది. ఈ నేపథ్యంలో రెండో దశపై హైదరాబాద్ మెట్రో ఎండీ ఎన్వీఎస్ రెడ్డి కీలక వ్యాఖ్యలు చేశారు. హైదరాబాద్ మెట్రో మెదటి దశ వల్ల ఎల్ అండ్ టీ సంస్థకు 6 వేల కోట్లు నష్టం వచ్చిందని.. దాని వల్ల ఇప్పుడు రెండో దశ ప్రాజెక్టులు ఎవరు ముందుకు రావట్లేదని చెప్పుకొచ్చారు.