హైదరాబాద్‌లో ఇల్లు అమ్మే వారు జాగ్రత్త.. ఎంత మోసం.. ఎంత మోసం.. ఇలా కూడా చేస్తారా..?

హైదరాబాద్‌లో ఇల్లు లేదా స్థలాలు అమ్మేవారు బ్రోకర్ల మాయమాటలు నమ్మి మోసపోవద్దని నిపుణులు హెచ్చరిస్తున్నారు. ముఖ్యంగా ఇతర రాష్ట్రాల్లో లేదా విదేశాల్లో ఉండేవారిని లక్ష్యంగా చేసుకుని ఈ మోసాలు జరుగుతున్నాయి. బ్రోకర్లు కొనుగోలుదారుల ముసుగులో వచ్చి.. కొంత అడ్వాన్స్ ఇచ్చి అమ్మకపు ఒప్పందం చేసుకుంటారు. ఆ తర్వాత మిగిలిన సొమ్ము చెల్లించకుండా కాలయాపన చేస్తూ.. యజమాని వేరే ఎవరికీ ఆ ఆస్తిని అమ్మకుండా రిజిస్ట్రేషన్ కార్యాలయాల్లో అడ్డుకుంటారు. ఇలా యజమానులను మానసికంగా వేధించి, చివరికి తక్కువ ధరకే ఆస్తిని దక్కించుకుంటారు.