హైదరాబాద్‌లో ఇల్లు కొనే వారికి అలర్ట్.. ఈ ఏరియాలో ఎక్కడ చూసినా అక్రమ నిర్మాణాలే..!

హైటెక్ సిటీకి దగ్గరగా ఉన్న గ్రేటర్ హైదరాబాద్ పరిధిలోని మూసాపేట్ సర్కిల్, అల్లాపూర్ డివిజన్ అక్రమ నిర్మాణాలకు కేంద్రంగా మారాయి. ఇక్కడ 50 గజాల నుంచి 300 గజాల వరకు ఉన్న స్థలాలలో జీహెచ్‌ఎంసీ అనుమతులు లేకుండానే బహుళ అంతస్థుల భవనాలు వెలుస్తున్నాయి. అద్దెలు, భూముల లాభాలపై ఆశతో నిర్మాణదారులు కనీసం సెట్ బ్యాక్, వెంటిలేషన్ వంటి నిబంధనలను పాటించడం లేదు. టౌన్ ప్లానింగ్ అధికారులు వీటిని పట్టించుకోకపోవడంతో అల్లాపూర్ డివిజన్‌లోని కాలనీలన్నీ అక్రమ కట్టడాలతో నిండిపోతున్నాయి.