హైదరాబాద్‌లో ట్రాఫిక్ కష్టాలకు చెక్.. ITMS ద్వారా,హెచ్‌ఎండీఏ సరికొత్త మాస్టర్ ప్లాన్

హైదరాబాద్‌ నగరంలో ట్రాఫిక్ రద్దీని అంచనా వేయడం, నియంత్రించడం కోసం హెచ్‌ఎండీఏ 'ఇంటెలిజెంట్ ట్రాఫిక్ మేనేజ్‌మెంట్ సిస్టమ్' (ITMS)ను పూర్తిస్థాయిలో ప్రవేశపెట్టనుంది. ఏఐ, అల్గారిథమ్స్ ఆధారంగా పనిచేసే ఈ వ్యవస్థ ద్వారా నగరంలోని 10 వేల సీసీ కెమెరాలను కమాండ్ కంట్రోల్ సెంటర్‌తో అనుసంధానించనున్నారు. రియల్ టైమ్ డేటా ద్వారా ట్రాఫిక్ జామ్‌లు, ప్రత్యామ్నాయ మార్గాలు, వాహనాల వేగాన్ని విశ్లేషించి ప్రజలకు, పోలీసులకు సమాచారం అందిస్తుంది. త్వరలో దీని కోసం ప్రత్యేక యాప్‌ను కూడా అందుబాటులోకి తీసుకురానున్నారు.