హైదరాబాద్‌లో భారీవర్షం.. లోతట్టు ప్రాంతాల ప్రజలకు ఐఎండీ హెచ్చరికలు

హైదరాబాద్ సహా తెలంగాణ వ్యాప్తంగా పలు ప్రాంతాల్లో గురువారం మధ్యాహ్నం నుంచి వాతావరణం ఒక్కసారిగా మారిపోయింది. హైదరాబాద్‌నగరంలో అనేక చోట్ల భారీ వర్షం కురుస్తోంది. మధ్యాహ్నం 3 నుంచి 4 గంటల వరకు ఎండగా ఉన్నప్పటికీ ఆ తర్వాత కాసేపటికే ఆకాశం మేఘావృతమై నగరంలో వర్షం కురిసింది. కోఠి, నారాయణగూడ, హిమయత్ నగర్ నాంపల్లి, ఖైరతాబాద్ తదితర ప్రాంతాల్లో వర్షం కురుస్తోంది. కొన్ని చోట్ల ఉరుములు, మెరుపులతో కూడిన వర్షం పడింది.