హైదరాబాద్‌లో మరో కొత్త ఫ్లైఓవర్.. 1.8 కి.మీ, 6 లైన్లతో, ఈ ప్రాంతంలోనే..!

హైదరాబాద్‌ నగరంలోని ఆల్విన్‌ కాలనీ నుంచి మియాపూర్ వరకు ట్రాఫిక్ కష్టాలను తీర్చేందుకు రాష్ట్ర ప్రభుత్వం రూ.530 కోట్లతో కొత్త ఫ్లైఓవర్‌ నిర్మాణానికి పరిపాలనా అనుమతులు జారీ చేసింది. 1.8 కిలోమీటర్ల పొడవు, 24 మీటర్ల వెడల్పుతో ఆరు లేన్లుగా ఈ వంతెన నిర్మాణం జరగనుంది. అంజయ్య నగర్ మీదుగా సాగే ఈ ఫ్లైఓవర్ ద్వారా కూకట్‌పల్లి, జేఎన్టీయూ, నిజాంపేట్ వంటి రద్దీ ప్రాంతాల్లో ట్రాఫిక్ గణనీయంగా తగ్గనుంది. త్వరలోనే భూసేకరణ ప్రక్రియ ప్రారంభం కానుండగా.. జూన్ కల్లా పనులు ఊపందుకునే అవకాశం ఉంది.