హైదరాబాద్‌లో సరికొత్త PRT రవాణా.. ఈ మార్గాల్లోనే, ట్రాఫిక్‌ కష్టాలకు చెక్‌ పడుతుందా..?

Hyderabad Personal Rapid Transit హైదరాబాద్‌లో ట్రాఫిక్‌ సమస్యను తగ్గించేందుకు పర్సనల్‌ ర్యాపిడ్‌ ట్రాన్సిట్‌ (PRT) వ్యవస్థను ప్రవేశపెట్టాలని ప్రభుత్వం యోచిస్తోంది. రాయదుర్గం–కూకట్‌పల్లి, హైటెక్‌సిటీ–రాయదుర్గం నాలెడ్జ్‌ సిటీ, కొండాపూర్‌–ఫైనాన్షియల్‌ డిస్ట్రిక్ట్‌ కారిడార్లకు సీఎం రేవంత్ రెడ్డి ప్రాథమిక సమ్మతి తెలిపినట్లు సమాచారం. ఈ రవాణా వ్యవస్థ ద్వారా హైదరాబాద్‌లో మెట్రో, ఎంఎంటీఎస్‌, బస్సులతో అనుసంధానం చేస్తే చివరి దశ ప్రయాణం సులభమై, ప్రైవేటు వాహనాల వినియోగం తగ్గే అవకాశం ఉంది. తద్వారా ట్రాఫిక్ తగ్గుతుందని అధికారులు చెబుతున్నారు.