హైదరాబాద్‌లోని ఆ ఏరియాల్లో సరికొత్త సైకిల్ ట్రాక్‌లు.. 10 రూట్లు ఇవే, ట్రాఫిక్ కష్టాలకు చెక్

హైదరాబాద్ ఔటర్ రింగ్ రోడ్డుపై ఉన్న 23 కిలోమీటర్ల అత్యాధునిక సైకిల్ ట్రాక్‌ను ఐటీ కారిడార్‌తో పూర్తిస్థాయిలో అనుసంధానించేందుకు హెచ్‌ఎండీఏ పరిధిలోని అర్బన్ మాస్ ట్రాన్సిట్ అథారిటీ (UMTA) సమగ్ర ప్రణాళికను సిద్ధం చేసింది. ప్రస్తుతం నానక్‌రాంగూడ, నార్సింగి పరిసరాల్లో ఉన్న ఈ ట్రాక్‌ను ఐటీ ఉద్యోగులకు అందుబాటులోకి తెచ్చేలా గచ్చిబౌలి, హైటెక్ సిటీ, ఫైనాన్షియల్ డిస్ట్రిక్ట్ పరిధిలోని 10 కీలక మార్గాలను అధికారులు గుర్తించారు. దీనివల్ల రోడ్లపై ట్రాఫిక్ రద్దీ తగ్గడంతో పాటు వర్షాల సమయంలో వాహనదారుల ఇబ్బందులు తప్పుతాయని అంచనా.