హైదరాబాద్ వాసులకు శుభవార్త.. మెట్రో మూడో దశ విస్తరణ.. 178.3 కి.మీ వరకు..

హైదరాబాద్ నగరంలో పెరుగుతున్న ట్రాఫిక్ రద్దీని దృష్టిలో ఉంచుకుని.. ప్రభుత్వం మెట్రో రైలు వ్యవస్థను భారీగా విస్తరిస్తోంది. తెలంగాణ రైజింగ్ విజన్ 2047లో భాగంగా మెట్రోను మొత్తం 400 కిలోమీటర్లకు పైగా పొడిగించాలని లక్ష్యంగా పెట్టుకుంది. ప్రస్తుతం 69.2 కిలోమీటర్ల మేర సేవలు అందుబాటులో ఉండగా.. రెండో దశలో మరో 152.5 కిలోమీటర్ల పనులు చేపట్టనున్నారు. ఇక అత్యంత కీలకమైన మెట్రో మూడో దశ విస్తరణలో భాగంగా దాదాపు 178.3 కిలోమీటర్ల మేర కొత్త మార్గాలను ప్రతిపాదించారు. ఈ విస్తరణ పూర్తయితే.. అవుటర్ రింగ్ రోడ్డు చుట్టూ ఉన్న శివారు ప్రాంతాలకు అద్భుతమైన రవాణా సౌకర్యం లభిస్తుంది.