400 ఏళ్ల క్రితం ఔరంగజేబ్ ఇచ్చిన మాట.. 30 ఏళ్లుగా హైదరాబాదీల ఇబ్బందులు!

గతంలో చక్రవర్తులు, రాజులు మాట ఇచ్చారంటే శిలాశాసనమే. రాజాజ్ఞ ధిక్కరించే సాహసం ఎవరూ చేసే వారు కాదు. చక్రవర్తి నోటి మాటగా చెప్పినా.. దానికి తిరుగు లేదు. అయితే 400 ఏళ్ల క్రితం ఔరంగజేబ్ చక్రవర్తి.. ఈ భూమిని మీకు బహుమతిగా ఇస్తున్నా అని చెప్పిన మాట.. ఇన్నేళ్ల తర్వాత కూడా హైదరాబాద్‌లోని గుట్టల బేగంపేట వాసులను ఇబ్బంది పెడుతోంది. కష్టపడి కొనుగోలు చేసిన స్థలాలపై హక్కుల కోసం న్యాయస్థానాల చుట్టూ తిరిగేలా చేస్తోంది.