Andhra Pradesh Debts: నాలుగు నెలల్లోనే రూ.43 వేలకోట్లు అప్పు!.. వైసీపీ, టీడీపీ మధ్య ట్వీట్ల యుద్ధం

ఏపీ అప్పుల కుప్పగా మారుతోంది. నాలుగు నెలల కాలంలో ఏపీ 43 వేలకోట్లకు పైగా అప్పులు చేసిందన్న గణాంకాలే ఇందుకు నిదర్శనం. ఏప్రిల్ నుంచి జులై నెలల మధ్య ఏప 43 వేలకోట్లు అప్పు చేసిందని ప్రధాన గణాంకాధికారి కార్యాలయం నివేదికలో వెల్లడైంది. ఈ నేపథ్యంలో టీడీపీ ప్రభుత్వంపైనా, సీఎం చంద్రబాబుపైనా వైసీపీ నేతలు విమర్శలు గుప్పిస్తున్నారు. సంపద సృష్టిస్తానని చెప్పి రాష్ట్రాన్ని అప్పుల మయం చేస్తున్నారంటూ మండిపడుతున్నారు. అయితే ఈ నాలుగు నెలల కాలంలో టీడీపీ పాలన సాగింది రెండు నెలలు. అలాగే ఈ రెండు నెలల్లోనే కేవలం పింఛన్ల పెంపు మాత్రమే అమలు చేశారు. దీంతో అన్ని పథకాలు అమలు చేస్తే ఏపీ పరిస్థితి ఏంటనే ప్రశ్నలు ఉదయిస్తున్నాయి.