Anna canteen: రూ.5లు కూడా కాదు.. ఉచితంగా అన్న క్యాంటీన్‌లో భోజనం.. అక్కడ మాత్రమే!

ఏపీవ్యాప్తంగా అన్న క్యాంటీన్లు తిరిగి తెరుచుకున్నాయి. ఐదు రూపాయలకే భోజనం దొరుకుతోంది. ఇక ఇటీవలే మరో 75 అన్న క్యాంటీన్లను ఏపీ ప్రభుత్వం ప్రారంభించిన సంగతి తెలిసిందే. అయితే ఐదు రూపాయలు కూడా లేకుండా ఉచితంగా ఆహారం అందించే అన్న క్యాంటీన్ గురించి మీరెప్పుడైనా విన్నారా. అలాంటి క్యాంటీన్ ఒకటి ఇప్పుడు ఏపీలో తెరుచుకుంది. మంత్రి మండిపల్లి రాంప్రసాద్ రెడ్డి రాయచోటిలో ఈ అన్న క్యాంటీన్ ప్రారంభించారు. ఈ క్యాంటీన్ ద్వారా ఏడాది పాటు మూడు పూటలా ఉచితంగా ఆహారం అందిస్తామని మంత్రి ప్రకటించారు.