AP Pensions: ఏపీలో వారందరికీ కొత్తగా పింఛన్లు.. మూడు నెలల్లోనే.. ప్రభుత్వ చీఫ్ విప్ ప్రకటన

ఎన్టీఆర్ భరోసా సామాజిక భద్రతా పింఛన్ల పథకం కింద ఏపీ ప్రభుత్వం వివిధ వర్గాల వారికి పింఛన్లు అందిస్తున్న సంగతి తెలిసిందే. ఎన్నికల్లో గెలిచి అధికారంలోకి వచ్చిన తర్వాత ఈ మొత్తాన్ని పెంచింది కూడా.. అయితే కొత్త పింఛన్లపై ఏపీ ప్రభుత్వ చీఫ్ విప్ జీవీ ఆంజనేయులు కీలక వ్యాఖ్యలు చేశారు. వైసీపీ హయాంలో అర్హులైన మూడు లక్షల మంది టీడీపీ కార్యకర్తలకు పింఛన్లు తొలగించారని జీవీ ఆంజనేయులు ఆరోపించారు. ఈ నేపథ్యంలో వచ్చే మూడు నెలల్లోగా వారందరికీ పింఛన్లు అందిస్తామని తెలిపారు.