AP Rain Alert: ఏపీలో బ్రేక్ ఇవ్వని వరుణుడు.. రేపు ఈ జిల్లాలలో వానలు

ఏపీని వానలు వదలడం లేదు. బంగాళాఖాతంలో అల్పపీడనం ప్రభావం కారణంగా గత రెండు మూడు రోజులుగా ఏపీలో పలుచోట్ల వర్షాలు కురుస్తున్నాయి. ఇక ఆదివారం కూడా వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ తెలిపింది. ముఖ్యంగా ఎనిమిది జిల్లాలలో తేలిక పాటి నుంచి మోస్తరు వర్షం పడే అవకాశం ఉందని అంచనా వేసింది. మిగతా చోట్ల తేలికపాటి జల్లులు కురవొచ్చని తెలిపింది. మరోవైపు అల్లూరి జిల్లాలో సుడిగాలి బీభత్సం సృష్టించింది. దీంతో స్థానికులు భయపడిపోయారు.