Balapur Laddu 2025: రికార్డు ధర పలికిన బాలాపూర్ లడ్డూ.. ఈసారి ఎన్ని లక్షలంటే..?

Balapur Laddu 2025 Price: రెండు తెలుగు రాష్ట్రాలతో పాటు దేశవ్యాప్తంగా గణేషుడి లడ్డూ వేలం పాట అంటే ఎవరికైనా ఠక్కున గుర్తొచ్చేది హైదరాబాద్ బాలాపూర్ వినాయకుడి చేతి లడ్డూ. ప్రతి ఏడాది గతేడాది రికార్డులను బద్దలు కొడుతూ పలికే ఈ లడ్డూ.. ఈసారి కూడా అంచనాలను అందుకుంటూ రికార్డు ధర పలికింది. ఇవాళ ఉదయాన్నే చివరి పూజలు అందుకున్న బాలాపూర్ గణేషుడు బాలాపూర్ బొడ్రాయి చౌరస్తాకు చేరుకున్నాడు. అనంతరం ఉత్సవ సమితి సభ్యులు లడ్డూ వేలం వేయగా.. గత ఏడాది రికార్డులను బద్దలు కొడుతూ 35 లక్షలకు హైదరాబాద్ కర్మాన్‌ఘాట్ ప్రాంతానికి చెందిన లింగాల దశరథ్ గౌడ్ లడ్డూను దక్కించుకున్నారు.