Car Driving Training: రేషన్ కార్డు ఉంటే చాలు.. ఫ్రీగా ట్రైనింగ్.. ఉచితంగా వసతి, భోజనం కూడా!

రేషన్ కార్డు ఉన్నవారికి శుభవార్త. ఉచితంగా కారు డ్రైవింగ్ నేర్చుకునే అద్భుత అవకాశం మీ ముందు ఉంది. రేషన్ కార్డు ఉన్నవారికి రూడ్ సెట్ సంస్థ ఈ సదవకాశాన్ని కల్పిస్తోంది. ఆధార్ కార్డు, రేషన్ కార్డు ఉంటే తాము ఉచితంగా కారు డ్రైవింగ్ నేర్పి్స్తామంటోంది. అయితే ఈ అవకాశం కేవలం ఉమ్మడి ప్రకాశం జిల్లాలోని గ్రామీణ యువకులకు మాత్రమే. వచ్చే నెల ఒకటో తేదీ నుంచి ట్రైనింగ్ మొదలవుతుందని.. ఆసక్తి ఉన్నవారు సంప్రదించాలంటూ రూడ్ సెట్ సంస్థ ప్రకటన విడుదల చేసింది.