Chandrababu: ఇంటర్వ్యూలు చేయనున్న చంద్రబాబు.. సీఎం నేరుగా రంగంలోకి..!

ఆంధ్రప్రదేశ్ ముఖ్యమంత్రి నారా చంద్రబాబు నాయుడు త్వరలో డిస్కంలలోని డైరెక్టర్లు, సీఎండీల నియామకాల కోసం స్వయంగా ఇంటర్వ్యూలు నిర్వహించనున్నారు. ఈ మేరకు ఇప్పటికే షార్ట్ లిస్ట్ చేసిన అభ్యర్థులను ఆయన పరిశీలించనున్నారు. సీపీడీసీఎల్ , ఎస్పీడీసీఎల్ సీఎండీ పదవులతో పాటుగా డైరెక్టర్ల పోస్టులను ప్రభుత్వం భర్తీ చేయనున్నట్లు తెలిసింది. కీలకమైన విద్యుత్ శాఖ పోస్టులకు అర్హులైన వారిని ఎంపిక చేయాలనే లక్ష్యంతో చంద్రబాబు నాయుడు ఈ నిర్ణయం తీసుకున్నట్లు సమాచాారం.