Chandrababu: మండలానికో స్వచ్ఛ రథం.. చెత్త ఇస్తే, సరుకులు ఇస్తారు.. చంద్రబాబు ప్రకటన

రాష్ట్రంలో పరిశుభ్రతను పెంచేలా ఏపీ సీఎం చంద్రబాబు కీలక నిర్ణయం తీసుకున్నారు. మండలానికో స్వచ్ఛరథం ఏర్పాటు చేయాలని నిర్ణయించారు. శనివారం రోజున పల్నాడు జిల్లా వినుకొండలో పర్యటించిన చంద్రబాబు.. స్వచ్ఛాంధ్ర - స్వర్ణాంధ్ర కార్యక్రమంలో పాల్గొన్నారు. అనంతరం ప్రజావేదిక సభలో మాట్లాడిన చంద్రబాబు.. ఈ విషయాన్ని వెల్లడించారు. ఈ స్వచ్ఛరథాలు వారానికోసారి గ్రామంలోకి వస్తాయని.. ప్రజలు చెత్త అందించి, ఉచితంగా నిత్యావసరాలు పొందవచ్చని తెలిపారు.