DANA Cyclone Update: గంటకు 100 కి.మీ వేగంతో గాలులు.. ఆ రెండు జిల్లాలకు అలర్ట్

బంగాళాఖాతంలో ఏర్పడిన అల్పపీడనం తుపానుగా మారింది. దీనికి దానా తుపానుగా నామకరణం చేశారు. ఈ దానా తుపాను గురువారానికి తీవ్ర తుపానుగా మారుతుందని ఏపీ విపత్తుల నిర్వహణ సంస్థ అంచనా వేసింది. దీని ప్రభావంతో ఉత్తరాంధ్ర జిల్లాలలో వర్షాలు కురుస్తాయని తెలిపింది. అలాగే విజయనగరం, శ్రీకాకుళం జిల్లాలలో తీరం వెంబడి 100 కిలోమీటర్ల వేగంతో ఈదురుగాలులు వీస్తాయని ప్రజలు అప్రమత్తంగా ఉండాలని సూచించింది. ఈ రోజు, రేపు సముద్రం అల్లకల్లోలంగా ఉంటుందని.. మత్స్యకారులు చేపలవేటకు వెళ్లొద్దని హెచ్చరించింది.