Deepam 2.0: ఉచిత సిలిండర్‌కు ఆ రెండూ తప్పనిసరి.. లేకుంటే పథకం కట్: విధివిధానాలు ఇవే

ఆంధ్రప్రదేశ్‌ శాసనసభ ఎన్నికల సమయంలో ఎన్డీయే కూటమి ప్రకటించిన సూపర్ సిక్స్ హామీల్లో ముఖ్యమైన దీపం పథకం కింద ఉచిత గ్యాస్ సిలిండర్ల పథకం మొదలైన విషయం తెలిసిందే. ఈ నెల 29 నుంచి గ్యాస్ సిలిండర్ల బుకింగ్ ప్రారంభమైంది. ఈ దీపం పథకాన్ని ముఖ్యమంత్రి చంద్రబాబు నాయుడు నవంబరు 1న శ్రీకాకుళం జిల్లా ఇచ్ఛాపురం మండలం ఈదుపురంలో ప్రారంభించారు. సూపర్‌ సిక్స్‌లో అమలవుతున్న మొదటి పథకం ఉచిత గ్యాస్‌ సిలిండర్ల పథకమని ప్రభుత్వం పేర్కొంది.