Dharmavaram: కేతిరెడ్డీ.. నీ కోరిక తీరుస్తాం.. మంత్రి సత్యకుమార్ వార్నింగ్

ధర్మవరంలో సోమవారం ఉద్రిక్తతలు తలెత్తాయి. వైసీపీ, కూటమి శ్రేణుల ఘర్షణతో సబ్ జైలు వద్ద హైటెన్షన్ వాతావరణం ఏర్పడింది. సబ్ జైలులో ఉన్న కార్యకర్తలను పరామర్శించేందుకు మాజీ ఎమ్మెల్యే కేతిరెడ్డి వెంకటరామిరెడ్డి వెళ్లారు. ఇదే సమయంలో వైసీపీ నేతలకు, బీజేపీ శ్రేణులు ఎదురయ్యాయి. దీంతో ఇరువర్గాల మధ్య మాటా మాటా పెరిగి ఘర్షణ తలెత్తింది. ఈ క్రమంలోనే ఓ కూటమి కార్యకర్తపైకి మాజీ ఎమ్మెల్యే కేతిరెడ్డి కారు దూసుకెళ్లింది. ఇక ఈ ఘటనపై స్పందించిన మంత్రి సత్యకుమార్.. కేతిరెడ్డికి వార్నింగ్ ఇచ్చారు.