East Godavari: నామవరంలో చిరుత సంచారం.. అసలు విషయం ఇదీ.. పోలీసుల దర్యాప్తులో షాకింగ్ విషయాలు

తూర్పుగోదావరి జిల్లాలో చిరుత పులి సంచారం భయపెడుతోంది. రాజమండ్రి శివార్లలో చిరుత సంచరిస్తోందన్న వార్తల నేపథ్యంలో ఇప్పటికే స్థానికులు భయాందోళనకు గురౌతున్నారు. అటవీశాఖ అధికారులు సైతం చిరుతపులి జాడ కనిపెట్టేందుకు తీవ్రంగా ప్రయత్నిస్తున్నారు. ఈ క్రమంలోనే నామవరం గ్రామ పరిసరాల్లో చిరుత పులి ఉందంటూ వచ్చిన వార్తలు వైరల్ అయ్యాయి. ఓ ఫోటో కూడా నెట్టింట చక్కర్లు కొట్టింది. దీనిపై దర్యాప్తు చేపట్టిన పోలీసులు.. అసలు విషయం కనుగొన్నారు. ఇదంతా ఆకతాయిలు చేసిన పనిగా తేల్చారు.