Free Gas Cylinder Scheme: దీపావళి నుంచి ఉచిత గ్యాస్ సిలిండర్ పథకం.. త్వరలోనే విధివిధానాలు

మరో హామీ అమలుకు ఏపీ ప్రభుత్వం కసరత్తు ప్రారంభించింది. దీపావళి నుంచి ఉచిత గ్యాస్ సిలిండర్ పథకం ప్రారంభించనున్నట్లు సీఎం నారా చంద్రబాబు నాయుడు ఇప్పటికే ప్రకటించారు. ఈ నేపథ్యంలో ఉచిత గ్యాస్ సిలిండర్ల పథకం అమలుపై పౌరసరఫరాల శాఖ కసరత్తు ప్రారంభించింది. పథకాన్ని వంట గ్యాస్ కనెక్షన్లు ఉన్నవారికి అందరికీ అమలు చేస్తే ఎంత ఖర్చవుతుంది.. తెల్లరేషన్ కార్డుదారులకు అమలుచేస్తే ఖజానాపై ఎంత భారం పడుతుందనే లెక్కలు కడుతోంది. అలాగే ఇతర రాష్ట్రాల్లో అమలవుతున్న విధానాలు సైతం అధ్యయనం చేయనుంది. ఈ నివేదిక సీఎంను చేరిన తర్వాత ఉచిత గ్యాస్ సిలిండర్ పథకం విధివిధానాలు ప్రకటిస్తారు.