HYD: బైక్ స్పీడ్‌గా నడపొద్దన్న వృద్ధుడు.. కొట్టి చంపిన యువకుడు, నడిరోడ్డుపై దారుణం

హైదరాబాద్ నగరంలో దారుణ ఘటన వెలుగులోకి వచ్చింది. బైక్‌పై స్పీడ్‌గా వెళ్లొద్దని సలహా ఇచ్చినందుకు యువకుడు ఓ వృద్ధుడిని కొట్టి చంపాడు. నాకే చెబుతావా..? అంటూ వృద్ధుడని కూడా చూడకుండా విచక్షణారహితంగా దాడి చేశాడు. ఈ దాడిలో వృద్దుడి తలకు తీవ్ర గాయమైంది. తలలో రక్తస్రావం కావటంతో ఆసుపత్రిలో 15 రోజుల చికిత్స తర్వాత ప్రాణాలు కోల్పోయాడు. ఈ ఘటన అల్వాల్ పోలీసు స్టేషన్ పరిధిలో చోటు చేసుకోగా.. ఘటనకు కారణమైన యువకుడిని కఠినంగా శిక్షించాలని మృతుడి బంధువులు డిమాండ్ చేస్తున్నారు.