HYD: మహేంద్ర షోరూంలో అగ్ని ప్రమాదం.. కాలిబూడిదైన కొత్త కార్లు, కోట్లల్లో నష్టం..!

హైదరాబాద్ కొండాపూర్ మహేంద్ర షోరూంలో గతరాత్రి భారీ అగ్ని ప్రమాదం జరిగింది. షోరూం క్లోజ్ చేసిన కాసేపటికే మంటలు చెలరేగాయి. వేగంగా మంటలు వ్యాపించటంతో షోరూంలోని దాదాపు 30 కార్లు అగ్నికి ఆహుతయ్యాయి. ఘటనా స్థలానికి చేరుకున్న ఫైర్ సిబ్బంది తీవ్రంగా శ్రమించి మంటల్ని అదుపులోకి తీసుకొచ్చారు. అయితే ఎంత ఆస్తి నష్టం జరిగిందనే దానిపై క్లారిటీ రావాల్సి ఉంది.