HYD: రెండు గంటల ముందే వర్షం సమాచారం.. SMS అలర్ట్ పంపించనున్న 'హైడ్రా', ఇక నో టెన్షన్

ఇటీవల భారీ వర్షాలతో హైదరాబాద్ అతలాకుతలమై.. భారీగా ట్రాఫిక్ జామ్ కావటంతో నగరవాసులు చేదు అనుభవాలను ఎదుర్కొన్నారు. ముందస్తు సమాచారం లేకపోవడంతో ప్రజలు తీవ్ర ఇబ్బందులు పడ్డారు. అయితే, ఈ సమస్యకు పరిష్కారంగా హైడ్రా అధికారులు సరికొత్త సాంకేతికతను ప్రవేశపెట్టారు. ఇకపై వర్షం కురవడానికి రెండు గంటల ముందే సెల్‌టవర్ల ఆధారంగా SMSల ద్వారా ప్రజలకు హెచ్చరికలు పంపనున్నారు. NDMA, IMD సహకారంతో చేపట్టిన ఈ కార్యక్రమం ద్వారా ఒకేసారి 5 లక్షల మందికి SMSలు అందుతాయి.