Hyd: రేపటి నుంచి ఆ ట్రాఫిక్ సిగ్నల్ మూసివేత.. ఇక రయ్ మంటూ దూసుకెళ్లండి..

హైదరాబాద్‌లోని తార్నాక జంక్షన్ సిగ్నల్ రేపటి నుండి తాత్కాలికంగా మూతబడుతోంది. ట్రాఫిక్ జాయింట్ సీపీ జోయల్ డేవిడ్ ఈ విషయాన్ని ప్రకటించారు. ఇటీవల ప్రయోగాత్మకంగా తిరిగి తెరిచినా, ట్రాఫిక్ రద్దీ పెరగడంతో ఈ నిర్ణయం తీసుకున్నారు. గతంలో బీఆర్ఎస్ ప్రభుత్వం మెట్రో పిల్లర్ కారణంతో దీనిని మూసివేయగా, యూ-టర్న్‌లతో ఇబ్బందులు పెరిగాయి. ఇప్పుడు రోడ్డు వెడల్పు పనులపై జీహెచ్‌ఎంసీతో చర్చించి శాశ్వత పరిష్కారం కనుగొననున్నారు. ఇది హైదరాబాద్ ట్రాఫిక్ సమస్యలకు అద్దం పడుతోంది.