Mancherial: నాలుగో తరగతి విద్యార్థినికి హార్ట్ ఎటాక్.. పదేళ్లకే ఆగిన మరో చిన్ని గుండె..!

గతంలో గుండెపోటు అంటే ఓ వయసు దాటినవారికే వచ్చేదన్న ఓ భావన ఉండేది. అది కూడా బీపీ, షుగర్ లాంటి వ్యాధులు ఉన్న వారితో పాటు చెడు వ్యసనాలు ఉన్నవారికే వచ్చేదని చెప్పేవాళ్లు. కానీ.. ఇప్పుడు వయసుతో సంబంధం లేకుండా.. చిన్నారులను కూడా బలి తీసుకుంటోంది. పదేళ్ల వయసున్న ఓ నాలుగో తరగతి చిన్నారి హర్ట్ ఎటాక్‌తో మరణించటం ప్రస్తుతం ఆందోళనకు గురి చేస్తోంది. కాగా.. మంచిర్యాల జిల్లాలో ఇలా పదేళ్ల వయసున్న నాలుగో తరగతి విద్యార్థిని ప్రాణాలు కోల్పోవటం మనసును మెలిపెడుతోంది.