Mithun Reddty Arrest: మిథున్ రెడ్డి అరెస్ట్‌పై పెద్దిరెడ్డి రియాక్షన్.. అప్పుడలా, ఇప్పుడిలా అంటూ!

వైఎస్సార్ కాంగ్రెస్ పార్టీ ఎంపీ పెద్దిరెడ్డి మిథున్ రెడ్డిని సిట్ అధికారులు అరెస్ట్ చేసిన సంగతి తెలిసిందే. ఏపీ లిక్కర్ స్కామ్ కేసులో శనివారం సిట్ ఎదుట మిథున్ రెడ్డి విచారణకు హాజరయ్యారు. ఏడుగంటల పాటు మిథున్ రెడ్డిని విచారించిన సిట్.. ఆ తర్వాత అరెస్ట్ చేస్తున్నట్లు ప్రకటించింది. మరోవైపు మిథున్ రెడ్డి అరెస్ట్ మీద ఆయన తండ్రి, మాజీ మంత్రి పెద్దిరెడ్డి రామచంద్రారెడ్డి స్పందించారు. ప్రభుత్వం కక్షపూరితంగా వ్యవహరిస్తోందన్న పెద్దిరెడ్డి.. మిథున్ రెడ్డి కడిగిన ముత్యంలా బయటకు వస్తాడని విశ్వాసం వ్యక్తం చేశారు.