Raj Kasireddy: ఏపీ లిక్కర్ స్కామ్.. పోలీసుల అదుపులో రాజ్ కసిరెడ్డి..!

ఏపీ లిక్కర్ కుంభకోణంలో కీలక పరిణామం చోటుచేసుకుంది. ఈ కేసులో ఆరోపణలు ఎదుర్కొంటున్న రాజ్ కసిరెడ్డిని సిట్ అధికారులు అదుపులోకి తీసుకున్నారు. హైదరాబాద్ విమానాశ్రయంలో కసిరెడ్డి రాజశేఖర్ రెడ్డిని సిట్ పోలీసులు అదుపులోకి తీసుకున్నారు. అనంతరం విజయవాడకు తరలిస్తున్నట్లు తెలిసింది. రాజ్ కసిరెడ్డి వైసీపీ హయాంలో ఐటీ సలహాదారుగా పనిచేశారు. ఆ సమయంలో మద్యం వ్యవహారాల్లో అక్రమాలకు పాల్పడ్డారని ఆరోపణలు ఉన్నాయి. మరోవైపు రాజ్ కసిరెడ్డి హైకోర్టులో ముందస్తు బెయిల్ పిటిషన్ వేయగా.. సోమవారం విచారించిన కోర్టు, విచారణకు వాయిదా వేసింది.