schools holiday: ఏపీలో భారీ వర్షాల ఎఫెక్ట్.. చిత్తూరు జిల్లాలో రేపు స్కూళ్లకు సెలవు

ఫెంగల్ తుపాను ప్రభావం ఆంధ్రప్రదేశ్ మీద కొనసాగుతోంది. తుపాను తీరం దాటినప్పటికీ దీని ప్రభావంతో సోమవారం కూడా వర్షాలు కురవనున్నాయి. ముఖ్యంగా చిత్తూరు, నెల్లూరు, వైఎస్ఆర్ జిల్లాలలో వర్షం పడే అవకాశం ఉందని వాతావరణశాఖ అంచనా. ఈ నేపథ్యంలో చిత్తూరు జిల్లాలో సోమవారం విద్యాసంస్థలకు సెలవు ప్రకటించారు. ముందుజాగ్రత్త చర్యల్లో భాగంగా సోమవారం సెలవు ఇస్తున్నట్లు చిత్తూరు కలెక్టర్ ప్రకటించారు. మరోవైపు వైఎస్ఆర్, నెల్లూరు జిల్లాలలోనూ సెలవు ఇవ్వాలనే డిమాండ్లు వ్యక్తమవుతున్నాయి.