Sircilla News: పదో తరగతిలో స్కూల్ టాపర్.. పాపం ఫలితాలు రాకముందే తీవ్ర విషాదం

Rajanna Sircilla District 10th Student Death: ఎన్నో ఆశలతో పాఠశాలకు వెళ్లి బుద్దిగా చదువుకుంది. టీచర్లు చెప్పిన పాఠాలు శ్రద్ధగా నేర్చుకుంది. పదేళ్లు కష్టపడి చదివి, ఆత్మవిశ్వాసంతో మైలురాయి లాంటి పదో తరగతి పరీక్షలు రాసింది. మంచి మార్కులతో పాసైతాననే ధీమాతో భవిష్యత్‌ ప్రణాళికలు రూపొందించుకుంటుంది. కానీ, తానొకటి తలిస్తే దైవమొకటి తలచిందన్నట్టు.. ఇంతలోనే విధి వెక్కిరించింది. బంగారు భవిష్యత్ ఉన్న బాలికను బలి తీసుకుంది. ఎంతో కష్టపడి చదివి ఫలితాల కోసం ఎదురుచూస్తుండగా.. మృత్యువు వెంటాడి తీసుకుపోయింది. ఫలితాలు చూడకుండానే కన్నుమూసింది. తీరా రిజల్ట్ చూస్తే ఆ విద్యార్థినే స్కూల్ టాపర్.