బోనాల నాటికి ఇందిరమ్మ ఇళ్లలోకి పేదలు.. క్యూర్ పరిధిలో నిర్మాణాలపై మంత్రి కీలక ప్రకటన

హైదరాబాద్ క్యూర్‌ పరిధిలోని గోషామహల్‌, చాంద్రాయణగుట్ట, ముషీరాబాద్‌, ఎల్‌.బి.నగర్‌ నియోజకవర్గాల్లో ఇందిరమ్మ ఇళ్ల ఫ్లాట్ల కేటాయింపునకు మంగళవారం ఈ-లాటరీ నిర్వహించారు. గతంలో రద్దయిన కేటాయింపులతో ఏర్పడిన ఖాళీలను అర్హులతో భర్తీ చేస్తున్నారు. చిరునామాల జియోకోడింగ్‌ ఆధారంగా నియోజకవర్గాలను గుర్తించి మాప్‌అప్‌ లాటరీ చేపట్టారు. వచ్చే బోనాల నాటికి పేదలకు సొంతింటిని అందించడమే ప్రభుత్వ లక్ష్యమని మంత్రి పొన్నం వెల్లడించారు.