Srisailam temple: శ్రీశైలం వెళ్లే భక్తులకు అలర్ట్.. ఆ ఐదు రోజులూ స్పర్శ దర్శనాలు బంద్

శ్రీశైలం మల్లన్న దర్శనానికి వెళ్లే భక్తులకు అలర్ట్. ఆగస్ట్ నెలలో ఐదు రోజులపాటు శ్రీశైలంలో స్పర్శ దర్శనాలను రద్దు చేశారు. శ్రావణ మాసం ప్రారంభం కానుండటంతో శ్రీశైలంలో శ్రావణ మాసోత్సవాలు నిర్వహించనున్నారు. ఈ క్రమంలోనే ఆగస్ట్ 15 నుంచి 19 వరకూ శ్రీశైలంలో స్పర్శ దర్శనాలను రద్దు చేశారు. అలాగే అభిషేకాలు, సేవలను సైతం శ్రీశైలం దేవస్థానం రద్దు చేసింది. భక్తుల రద్దీ అధికంగా ఉండే అవకాశం ఉన్న నేపథ్యంలో ఈ నిర్ణయం తీసుకున్నట్లు శ్రీశైలం ఈవో తెలిపారు.