TCS Campus in Vizag: విశాఖలో క్యాంపస్ ఏర్పాటు.. ప్లాన్ మార్చిన టీసీఎస్!.. అక్కడేనా?

విశాఖపట్నంలో టీసీఎస్ క్యాంపస్ ఏర్పాటు కోసం వేగంగా అడుగులు పడుతున్నాయి. వంద రోజుల్లోగా టీసీఎస్ క్యాంపస్‌కు శంకుస్థాపన చేస్తామని ఏపీ ఐటీశాఖ మంత్రి నారా లోకేష్ ఇటీవల ప్రకటించారు. దీంతో క్యాంపస్ ఏర్పాటు కోసం ప్రయత్నాలు వేగంగా జరుగుతున్నాయి. అయితే ఇప్పటికిప్పుడు సొంత నిర్మాణాలు కాకుండా ప్రత్యామ్నాయ భవనాల్లో క్యాంపస్ ఏర్పాటుపై ఆలోచనలు చేస్తున్నట్లు తెలిసింది. మిలీనియం టవర్స్ లేదా ప్రైవేట్ భవనాల్లో టీసీఎస్ క్యాంపస్ ఏర్పాటు చేసి కార్యకలాపాలు ప్రారంభించాలని.. ఆ తర్వాత సొంతంగా క్యాంపస్ నిర్మించుకోవాలని ఆలోచిస్తున్నట్లు సమాచారం.