TG: సొంత ఫోన్లతో ఫొటో తీసి ట్రాఫిక్ చలానాలు విధిస్తారా.. హైకోర్టు సంచలన వ్యాఖ్యలు..

తెలంగాణలో ట్రాఫిక్ ఉల్లంఘనల కారణంగా చలానాలు విధించడం సహజం. నిబంధనలను విరుద్ధంగా ఎవరైనా తమ వాహనాలను నడిపితే ట్రాఫిక్ పోలీసులు చలానాలు విధిస్తుంటారు. అయితే.. చలానాలు విధించే క్రమంలో పోలీసులు సొంత మొబైల్ ఫోన్లలో ఫొటోలు తీయడంపై అభ్యంతరం వ్యక్తమవుతోంది. ఇలానే ఓ వ్యక్తికి చలానా విధించడంతో.. ఆ బాధితుడు హైకోర్టును ఆశ్రయించాడు. సొంత ఫోన్లలో ఫొటో తీసి చలానా విధించడం ఏంటని కోర్టులో పిటిషన్ దాఖలు చేశాడు. దీనిపై విచారణ జరిపిన హైకోర్టు.. చలాన్ల ఎన్‌ఫోర్స్‌మెంట్ విధానంపై పూర్తి నివేదిక ఇవ్వాలని రాష్ట్ర హోంశాఖకు నోటీసులు జారీ చేసింది.