TGSRTC ప్రయాణికులకు బిగ్ రిలీఫ్ .. ఆ ఇబ్బందులకు చెక్, మరో 2 నెలల్లోనే..!

గ్రేటర్ హైదరాబాద్ పరిధిలో ఆర్టీసీ బస్సుల్లో టికెట్ తీసుకొని ప్రయాణించేవారికి తీపి కబురు. డిజిటల్‌ చెల్లింపులతో బస్‌ టికెట్లు ఇచ్చేలా ఆర్టీసీ అధికారులు చర్యలు తీసుకుంటున్నారు. ఇప్పటికే కొన్ని బస్సుల్లో ప్రయోగాత్మకంగా అమలు చేస్తుండగా.. త్వరలోనే ఫోన్‌ పే, గూగుల్‌ పే, పేటీఎం, క్రెడిట్, డెబిట్ కార్డుల ద్వారా అన్ని బస్సుల్లో టికెట్లు జారీ చేయనున్నట్లు ఆర్టీసీ అధికారులు వెల్లడించారు. ప్రయాణికులకు మెరుగైన సేవలు అందించేందుకు క్యూఆర్ కోడ్ కూడా తీసుకురానున్నారు.