Tirumal శ్రీవారి సేవా టికెట్లు ఇప్పిస్తానంటూ స్కామ్.. సస్పెండైన టీటీడీ ఉద్యోగి అరెస్టు

టీటీడీలో పనిచేస్తూ సస్పెండ్ అయిన వ్యక్తి, ఈసారి భక్తులను టార్గెట్ చేశాడు. శ్రీవారి సేవా టికెట్లు, టీటీడీలో ఉద్యోగాలు ఇప్పిస్తానంటూ ప్రజల నుంచి భారీ స్థాయిలో డబ్బులు వసూలు చేశాడు. ఓ భక్తుడు ఇచ్చిన ఫిర్యాదు మేరకు దర్యాప్తు చేసిన పోలీసులు గతంలో చేసిన పలు మోసాలను కూడా వెలుగులోకి తీసుకొచ్చారు. ఇప్పటి వరకు నిందితుడు రూ. 10 లక్షల వరకు మోసాలకు పాల్పడినట్లు తేలిందని తిరుమల పోలీసులు వెల్లడించారు.