Tirumala: టీటీడీ కీలక నిర్ణయం.. ఆ రోజుల్లో అన్ని ప్రత్యేక దర్శనాలు రద్దు

తిరుమల తిరుపతి దేవస్థానం కీలక నిర్ణయం తీసుకుంది. వైకుంఠ ఏకాదశి సందర్భంగా తిరుమలలో పదిరోజుల పాటు అన్ని రకాల ప్రత్యేక దర్శనాలను రద్దు చేసింది. జనవరి 10 నుంచి 19 వరకూ అన్ని రకాల ప్రత్యేక దర్శనాలను రద్దు చేసినట్లు ఓ ప్రకటనలో తెలిపింది. టోకెన్లు ఉన్న భక్తులను మాత్రమే దర్శనానికి అనుమతిస్తామని చెప్పింది. వైకుంఠ ఏకాదశి సందర్భంగా భక్తులకు ఎలాంటి ఇబ్బంది తలెత్తకుండా ఈ చర్యలు తీసుకున్నట్లు టీటీడీ తెలిపింది. సాధ్యమైనంత ఎక్కువ మందికి వైకుంఠ ద్వారా దర్శనం కల్పించాలనేదే తమ ఉద్దేశమన్న టీటీడీ.. భక్తులు సహకరించాలని కోరింది.