Tirupati laddu news: తిరుమల లడ్డూ వివాదంపై సీబీఐ దర్యాప్తు!.. నారా లోకేష్ కీలక వ్యాఖ్యలు

తిరుమల లడ్డూ వ్యవహారంపై సీబీఐ విచారణకు డిమాండ్లు వస్తున్నాయి. కోట్లాది మంది భక్తుల మనోభావాలకు సంబంధించిన ఈ వ్యవహారంలో నిజానిజాలు నిగ్గు తేల్చేందుకు సీబీఐతో దర్యాప్తు జరిపించాలని భక్తులు డిమాండ్ చేస్తున్నారు. ఈ నేపథ్యంలో తిరుపతి లడ్డూ వివాదంపై సీబీఐ దర్యాప్తు విషయంలో నారా లోకేష్ కీలక వ్యాఖ్యలు చేశారు. ఈ విషయంలో చంద్రబాబు త్వరలోనే ఓ ప్రకటన చేస్తారని నారా లోకేష్ చెప్పారు. సీబీఐ విచారణతోనే ఆగమని.. కారకులను కఠినంగా శిక్షించి.. తిరుమలను ప్రక్షాళన చేస్తామని నారా లోకేష్ స్పష్టం చేశారు.