Tirupati laddu news: దర్యాప్తు మొదలెట్టిన సిట్.. ప్రత్యేక వ్యూహంతో ముందుకు!

తిరుమల లడ్డూ వివాదంపై ఏర్పాటైన ప్రత్యేక దర్యాప్తు బృందం విచారణ మొదలెట్టింది. తిరుపతి లడ్డూలో కల్తీ నెయ్యి వాడారంటూ సాక్షాత్తూ సీఎం చంద్రబాబు నాయుడు ఆరోపణలు చేసిన సంగతి తెలిసిందే. దీంతో ఈ అంశం దేశవ్యాప్తంగా చర్చనీయాంశమైంది. హిందువుల నుంచి ఆందోళనలు వ్యక్తమయ్యాయి. ఇక ఈ అంశంలో నిజానిజాలు నిగ్గు తేల్చేందుకు గుంటూరు రేంజ్ ఐజీ సర్వశ్రేష్ఠ త్రిపాఠి నేతృత్వంలో సిట్ ఏర్పాటు చేశారు. ఈ సిట్ సభ్యులు తిరుమల శ్రీవారిని దర్శించుకుని విచారణ మొదలుపెట్టారు.