Tuni missing girl case: నా బాధను అర్థం చేసుకోండి.. అలాంటి కామెంట్లు పెట్టొద్దు.. దండం పెట్టి వేడుకున్న జ్ఞానేశ్వరి తల్లి..

కాకినాడ జిల్లాలో చిన్నారి జ్ఞానేశ్వరి అదృశ్యం కేసు మిస్టరీ వీడటం లేదు. చిన్నారి కనిపించకుండా పోయి పది రోజులైంది. చిన్నారి కోసం పోలీసులు, ఎస్డీఆర్ఎఫ్, ఎన్డీఆర్ఎఫ్ బలగాలు జల్లెడ పడుతున్నాయి. అయినా కూడా పాప ఆచూకీ తెలియడం లేదు. ఈ కేసులో కీలక ఆధారంగా ఉన్న పెంపుడు కుక్క కూడా చనిపోవటం పోలీసులకు సవాలుగా మారింది. ఈ క్రమంలో సోషల్ మీడియా వేదికగా కొంతమంది పెడుతున్న కామెంట్లు, వీడియోలు.. తమ ధైర్యాన్ని దెబ్బతీస్తున్నాయని పాప తల్లి భవానీ వాపోయారు. దయచేసి అలాంటి కామెంట్లు పెట్టొద్దంటూ వేడుకున్నారు.